Тортаева Айгерим Махсутовна
Ақтөбе облысы, Әйтеке би ауданы, Сарбұлақ ауылы, Мамыт негізгі мектебінің математигі
Армысыздар ма, ұстаздар мен оқушылар! «Екі жұлдыз» атты музыкалық әдеби - білім кешіне қош келдіңіздер!
Көңілді ойын жасайық
Жұмбақ шеруен шашайық
Мұнда қызық табылар
Жұмбақ есеп бәрі бар
Бүгінгі кешті біз бастайық
Сайыста көңілменен қол соғайық.
Бүгінгі «Екі жұлдыз» бағдарламасының қатысушыларын ортаға шақырайық.
5 - сынып оқушылары: Әділет пен Елдана
6 - сынып оқушылары:Сандуғаш пен Аида
7 - сынып оқушылары: Гүлмира мен Жадырасын
8 - сынып оқушылары: Данияр мен Гүлбағдат
9 - сынып оқушылары: Әнуар мен Мереке
Құрметті сайыскелер мына қағаздағы сандарға байланысты реттік номерлеріңізді анықтаймыз. /Жеребе арқылы номелерін анықтау/
Мінеки залда тыныштық,
Естілмейді дыбыс түк
Мұны бізде қоштаймыз
Кешікенді тоспаймыз
Ғылымдардың ғылымы
Математика, Информатика, Физика жайында
Сайысты біз бастауға
Әділ қазы сайлаймыз
Сайыс бағдарламасы:
Таныстыру
«Математикалық ноталар»
Ұлы есімдер
Ойна да ойла
3. «Физикалық күй сандық»
1. Ұшқыр ойдан ұтымды жауап
2. Эксперименттік тапсырмалар
4. «Информатикалық әуендер
1. Белгісіз әлем
2. Таң қаларлық оқиғалар
5. Қорытынды
Топ алдында шыққан басын иіп,
Сәлемдесу парызы әрбір жастың
Білімдерін паш етер оқушыларымыз
Сәті келіп қалғандай танысатын – деп
Таныстыру
Әр жұп өздерін таныстырады. Таныстыру шарты: 80 - жылғы әндердің нақышына келтіріп орындау.
«Математика – ғылымдардың патшасы» - деп,
Мойындаған бар ғалым жер шарында
Математика, математика қандай қиын
Оқымасаң шешілмейді ешбір түйін – деп
«Матемаикалық ноталар» атты 2 турымызды бастаймыз
Ұлы есімдер
1. «Ақыл – ойды тәртіпке келтіретін – математика, сондықтан оны оқу керек» Бұл сөздің авторы кім? /Г.Галилей/
2. «Математикада формуланы есте сақтау қажет емес, тек ойлау процестерін есте сақтау керек» деген кімнің сөзі? /Ермаков/
3. «Арифметика - дегеніміз бұл математика негізі» Осы сөзді айтқан орыс жазушысы кім? /Л.Н.Толстой/
4. «Математика - ғылымдар патшасы, ал арифметика - математика патшасы» Бұл сөздің авторы кім? /К.Гаусс/
5. «Математика – ойды ретке келтіріп, тәртіпке салатын ғылым» дегенді кім айтқан? /М.В.Ломоносов/
«Ойна, ойла тереңнен
Жақсы емес көп бөгелген» - деп келесі бөлім
2. Ойна да ойла
1. Бес бірлікпен 100 санын жаз. /111-11= 100/
2. 333333 = 1000 теңдік орындалатындай етіп амал таңбаларын қой /333*3+3:3=1000/
3. Алты 7 – ден 100 санын жаз. (777-77):7=100
4.123456789 орналасу ретін өзгертпей « + » не « - » таңбаларын қойыңдар, сонда нәтижесінде 100 саны шықсын. /123-45-67+89=100/
5. 88888888 цифрларының арасына қосу таңбасын қою арқылы 1000 шығар.
/888+88+8+8+8=1000/
Физика жақын туыс мына бізге,
Қозғалыс, энергия, қуат, күш те
Біздерсіз есептелу мүмкін емес
Жария ғып айтайықшы мұны бізде – деп
«Физикалық күй сандық» атты 3 бөлімімізді бастаймыз. Бұл бөлімде әр жұпқа бір танымдық сұрақ пен құралдар беріледі сол құралдар арқылы эксперимент жасалынады.
1. Ұшқыр ойдан ұтымды жауап.
1. Неге су отты сөндіреді?
2. Судан алынған балықты неге қолда ұстау қиын?
3. Неліктен үрілген шар су түбіне батпайды?
4. Қардан жасалынған аяз атаға тон кигізсе,ол еріп кетеді ме?
5. Қандай физикалық құбылысқа байланысты адам тыныс алыды және шығарады?
2. Эксперименттік тапсырмалар
1. Шардың «ән салуы»
Керек заттар: шар, 20 тиын, жіп
1.Шарды алып ішіне 20 теңгені ұқыптап сал.
2. Шарды үрлеп ауызын жіппен байлап қой.
3. Саусақтарыңмен шарды қысып ұстап бірнеше рет ішіндегі тиынды айналдыр.
Керек заттар: шар, жүн киім, қағаз қиқымдары
Шардың ішіне майда қағаз қиқымдарын сал.
Тағы сонша қағаз қиқымын үстел үстіне жайып сал.
Шарды үрлеп ауызын байла да, жүн киімге бірнеше рет үйке.
Енді шарды күріш дәндеріне жақындат.
3.Беторамалдың сыры
Керек заттар: пластмасса бөтелке, беторамал, резеңке бау, су.
1. Беторамалды екі бүктеп жарыққа қара. Орамалдың тесіктерінің арасынан жарық көрінсе, онда орамалдың тым қалың емес екендігін байқайсың.
2. Бөтелкеге жартылай етіп су құйып ауызын орамалмен жауып, резеңке баумен байлап қой.
3. Бөтелкенің түбін жоғары қаратып төңкер.
4. Сүзгімен су тасу .
Керек заттар: сүзгі, өсімдік майы, суш, ыдыс жууға арналған сұйықтық.
1. Құрғақ сүзгіні алып ішіне аз мөлшерде өсімдік майын оның барлық торларына жұқалап жағып шық.
2. Май жағылған сүзгіге жайлап су толтыр.
3. Сүзгіден судың төгілмейтінін байқаған боларсың!
4. Сүзгідегі суға ыдыс жууға арналған сұйықтықтан 2 – 3 тамшы тамызсаң, судың төгілгенін байқайсың.
5. Көрінбейтін сия арқылы хат жазу
Керек заттар: лимон шырыны, сүт, ыдыс, мақталы таяқша, жазу қағазы, үтік.
Ыдысқа шырын мен сүтті құйып араластыр.
Қоспаға мақталы таяқшаны батырып ақ қағазға ірі етіп «Іске сіт!» деп жазып шық.
Парақтағы жазулар кепкен соң, үттікті қатты қыздырып, қағаздың үстінен басып үтікте.
Мынау ұшқыр заманда
Жаңалық енді ғаламға
Компьютер тілін меңгеру
Қажеті туды адамға – деп
« Информатикалық әуендер» атты 4 бөлімімізді бастаймыз.
1. Ол қағаздағы кескінді (жазуды, суретті) түсіріп, дисплей экранына шығаруға мүмкіндік беретін құрылғы.Оның көмегімен суретті, графикті, мәтіндерді түсіріп алуға болады. Кескін түсірілгеннен кейін, графикалық бағдарламаларда оларды өңдеуге (үлкейту, кішірейту, қайта бояуға т.б.) болады.
Сұрақ: Бұл енгізу құтрылғысы қалай аталады? /Сканер/
Қосымша көмек: Оның планшетті, барабанды және қол түрлері болады.
2. Оны бір компьютерден екінші компьютерге ауыстыруға болмайды, ол жүйелік блоктын ішіне орналастырылған және сыйымдылығы үлкен болады. Оған бірнеше жүздеген дискеттердегі ақпараттар сыйып кетеді.
Сұрақ: Бұл қандай диск? Қатқыл диск немесе «Винчестер»
Қосымша көмек: Оның шпинделінің диаметрі американдық винтовканың оқпанының диаметріне тең.
Бұл құрылғы командаларды таниды, оларды орындайды және өз жұмысының нәтижелерін шығарып береді немесе оны машинаның жадына жазады, тіпті екеуін де қатар орындай алады. Компьютердің кез келген жұмысы болса да, оның қатысуымен болады.
Сұрақ : Бұл қай құрылғы? /Процессор/
Қосымша көмек: Ол компьютердің «миы»
4. Оның ішінде процессор, қоректендіру блогы, жедел жад, қатқыл диск, дискжетек, СД – ROM, бейнетақша, дыбыс тақташамсы мен көптеген басқа құрылғылар бар?
Сұрақ: Бұл негізгі құрылғы қалай аталады? /Жүйелік блок/
Қосымша көмек: Олар үстелге қоятын, «еденде», «мұнара» түрінде болады.
5. Шын залымға берме ғылым, ол алар да оқ қылар.
Қаруым дер, кісі атып жер, ол ғылымды айла етер
Дүниені түзетуші, һәм бұзушы бір ғылым
Әрі залым, әрі ғалым ел түбіне сол жетер
Сұрақ: Бұл өлең жолдарынан информатикаға қатысты қандай ұғымды аңғаруға болады? Қандай шағын көлемді программа туралы сөз болып тұр? /Вирус/
Шында тұрған шынардай арманы бар,
Өнерлерін көрсетті ұл мен қыздар
Ең соңғы айналымға келіп жеттік
Ойлантып отырғанды таңқалдырар – деп
«Таң қаларлық оқиғалар»
Бұл бөлімде әр жұп үйден дайындап келген слайдтық презентациясын көрсетеді.
Құрметті ұстаздар, оқушылар, жарысқа қатысқан жұлдыздар сіздерге арнап
әнін тамашалаңыздар
«Асыл тастан, өнер жастан шығады» - деп халық айтқандай « Екі жұлдыз»бағдарламасында өнер көрсетіп, білім додасына түскен жұлдыздардың өнеріне баға беріп «Екі жұлдызды» анықтау үшінәділ қазыларға сөз кезегін береміз.
« Екі жұлдыз» сайысының жұлдыздары
« Екі жұлдыз» сайысының математиктері
« Екі жұлдыз» сайысының жүйріктері
« Екі жұлдыз» сайысының тапқырлары
« Екі жұлдыз» сайысының ойшылдары
5.Қорытынды
Сонау – сонау алысқа, жүзсін десең кемемен
Тылсым сырлар ғарышқа ұшсын десең денелер
Жасау үшін бәрін де
Сондықтан да, сондықтан
Математика – ғылым бұл
Сол ғылымның тілін біл!
Жүзген кеме тұманда Оны сақтап қалатын
Неге адасып кетпейді Физика ғылым бұл
Немесе сол бір маңда Сондықтан да, сондықтан
Неге төмен шөкпейді Сол ғылымның тілін біл!
Болам десең теңізші, не ұшқыш қаласаң,
Дәрігерлікте жақсы ғой
Информатика керек қой!
Қызыметке жарасаң
Сондықтан да, сондықтан
Ал сол үшін біздерге
Шын сезінген көрерменге,
Мың рахмет, мың рахмет!
«Екі жұлдыз» әні орындалады.